المنتدى الجزائري لكل العرب
االسلام عليكم مرحبا بالجميع ، لكم مني أجمل تحية وأرحب بكم لتكونوا مشرفين مميزين

نكت رائعة

استعرض الموضوع السابق استعرض الموضوع التالي اذهب الى الأسفل

نكت رائعة

مُساهمة من طرف مدير منتدى الجزائر في الأربعاء ديسمبر 15, 2010 10:53 pm

السلام عليكم ورحمة الله تعالى و بركاته يا جماعة مارأيكم..............

- مرة واحد طاح من باطيمة تكسرو عظامو كامل غير وجهو
في رايكم لاه؟؟ وجهو قصديرة...

- واحد قالولو علاه ماتخدمش على روحك؟ قاللهم علاه نخدم؟ قالولو باش تتزوج. قالهم وعلاش نتزوج؟ قالولو باش اتجيب الدراري. قاللهم وعلاش انجيب الدراري؟ قالولو باش يخدمو عليك كي تكبر وانت تكون مريح. قاللهم راني امريح من ضرك..

- كاين واحد المعلم كان في لا بوست يخلص ، كي خلص جاتو عجوز تطلب، قالتلو : وليدي فرحلي الذراري الله يفرحك ، قال لها حبيتي انفرحلك اذراري؟ قالتلو إيه يا وليدي ، قال لها : قوليلهم الغدوة ماكاش القراية....

- قالك واحد الجوندارم لقى طاكسي محبس في الطريق قاللهم اجبدوا لي كارت. قالتلوا واحد المراة لا كارت ديالي راهي عند mon marie ، قاللها وين راه، قالتلو راه في القهوة، ايا راح للقهوة وبدا يعيط ، وين راه هاذا mon marie.؟؟؟؟....

- قالك واحد السرارقة دخلو لدار فيها راجل ومرتو رسمولهم دوايرة في الدار و حطوهم فيها وقالولهم ماتخرجوش منها حتى نسرقو الدار ونخلصو وكون يخرج صبع من الدوايرة نقتلوكم و مباعد شوية ناض الراجل يضحك قالتلو مرتو علاش تضحك؟؟ قالها من الصباح وانا نخرج في رجلي ومافاقوليش....

واحد كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها؟؟ ......le pere vendredi (اسمه بو جمعة) ....

هذا طبيب حاب يداوي 3 مرضى ديالو رسملهم باب عل الحيط °صور° ايا قالهم افتحوه .اللول تخبط تخبط من غير فايدة .الثاني كيف كيف .الثالث محبش .الطبيب فرح داير في بالو داواه .ايا كي سقصاه اعلاه محبش يفتح الباب .قالو لمريض المفتاح عندي وهما يضاربو شكون يفتح الباب

هاذ الطبيب حب يجرب مجموعة اخرى°3مرضى° ايا داهم لبحر وطلقهم. زوج منهم راحو يعومو معلابالهم مساكن بوالو .بقا واحد راح قعد على وحد الحجرة وحط يدو على خدو ويخمم .اياشافو الطبيب قال في قلبو هذا ما يكون غير راه يخمم في كاش حاجة مهمة مبلاك يكون برى.راح ليه سقصاه قالو في واش راك تخمم .قالو لمريض راني نخمم في هاذ لبخر لوكان جا شربة واش من خبز يكفيه

هذي عجوز ركبت في وحد الكار .ايا الكار دارت accedent .اللي كانو فلكارالكل ماتو.بقات غي هذيك لعجوز .جاو les pompies لقاوها تقلب فلعيباد وهوما ميتين .قالولها علاش راكي تحوشي الخاجة كاش مراحلك .قاتلهم لالا راني نحوس علreceveure باش يردلي الصرف

وحد السيد كريم بزاف لدرجة انو كي تحرقتلو الدار . جاو les pompies باش يطفوها .قالهم والله ماكم امطفيينها حتى تشربو قهوة

واحد المعلم سقسى تلاميذو شكون مليح الدراسة ولا العطلة.قالو واحد التلميذ بلي الدراسة افضل.المعلم انخلع وقالو علاش.قالو التلميذ لانه كون مكانش دراسة مكانش عطلة

واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة


حمار شاف خطيبته (حمارة)قالهاوقتاش نتزوجو يا حمارة قاتلوكي تسقم هدرتك يا واحد الحمار

مرة واحدكان قدام البحر هو و حبيبته ..ايا قاتلوفاش يفكرك غروب الشمس قالها برجوع قرانديزر الى القاعدة

قالك وحد النهار زوج واحد يقول راه النهار والاخر يقول راه الليل جاو واحد ماشي قداهم قالولو خويا راه النهار ولا الليل قاللهم اسمحولي مانسكنش هنا

قالك واحد كان هو و زوجتو قالها انتي وكان تروحي للهند يعبدوك قاتلو حاجة باينة انا شابة بزاف قالها لالا انتي بقرة

قالك واحد فنيان قالو صاحبو راني صبتلك خدمة قالو تخدم11شهر وشهر كونجي قالو والشهر الكونجي نخلص فيه قالو ايه نقالو نبدا بشهر كونجي ومبعد شوف

وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة

مرة واحد يقلق مية في الساعة, دّا قماش عند الخياط وقالوا: اسمع حاب ندير قندورة تكون مليحة يعني يكون الكول مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة انا ما نلبسش حاجة محصورة ولوكان درتها محصورة والله مانسلكك...هات لقماش هنا مانزيدش نجي عندك خلاص

مرة واحد كسول ألف في الساعة شاف قدامو قشرة وهو يمشي
قال: ربي يعيني على هاذ الزلقة

واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي

واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها : مالا حتى النهار الثالث

قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت

قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة
ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم

قالك مرة وحد الراجل متزوج زوج نسا وحدة من ولاية ......ووحدة من ولاية...... وهوما ماشيين طريق طاحتلو السيارة اونبان. نزلت الاولى وقالتلو شوف بالاك لابوجي بالاك
الموتور بلاك...بالاك..بالاك...قالت الثانية كيفاه هذي تفهم خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها
طاحة اومبان

قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت


سأل ولد أبوه : بابا كيفش نعرفوا واحد أنه سكران. جاوبه أبوه قالو: شوف ياولدي ..هاك الشجرتين يشوفهم السكران أربعة شجرات. التفت الولد ولم يجد إلا شجرة واحدة !!!!!

اب كسلان قال لولدو الكسلان قوم افتح الباب لامك
الابن: افتحلها انت مش هذي مرتك؟
الاب: قوم يا ولدي هذه امك
الابن: و مرتك ثاني قوم انت افتحلها
الاب: يا مرأة انتي طالق بالثلاثة... قوم ضرك افتح الباب لامك و رد بالك تقلي مرتك

واحد اخترع حبوب للحامل باش المولود يطلع مؤدب وكل مولود فعلا نزل مؤدب .
واحدة أخدت الحبوب وماولدتش في المعاد فراحت للدكتور عملها ولادة قيصرية
لقى توأم كل واحد يعزم علي التانى ويقول له :اتفضل
التاني يقوله:لأ اتفضل إنت الأول


زوج قاعدين قدام مراية يتكيفو في الكيف قال واحد شكون هادوك الي مقابلينا قام صاحبو قالو آني رايح نسألهم شدو صاحبو
قالو أقعد آهو واحد منهم جاي

راجل كبير في العمر قالولو: وآش عامل فيك رمضان يا حاج.
قاللهم كون مش من رشفة الوضوء العبد يموت مالعطش

الجوج قال للمحابسي واين تسكن
جاوبو حذا جارنا
سقسا جرهم قالو نسكن حذاه هيه
زاد سقساه واين تسكن
حذا جارنا
زاد سقساه او جاركم واين يسكن
قالو حذانا
زاد قالو ونتوما في 2 واين تسكنو
قالو حذا بعضانا

واحد مرتو راح تزيد طفل قالها نسميوه خير الله
قاتلو هي اها نسميه خير الدين
كي ولدت جابت طفل صغير خلاص
قاتلو واش نسميوه
قالها نسميوه خير من ماكانش

قال القاضي للمتهم: ماذا تعمل؟
أجاب المتهم: قبل الظهر لا عمل لي، وبعد الظهر مع عمي.
فقال القاضي: وماذا يعمل عمك؟
أجاب المتهم: قبل الظهر يعمل معي، وبعد الظهرلا يعمل

واحد دا بنو ومرتو في رحلة في السيارة, وكي فاتو على ناطحة سحاب قال الطفل: وشي هذا يا بابا قال الأب: والله ما ندري, وزادو فاتو على مرأب للسيارات قال الطفل: وشي هذا يا بابا رد الأب: والله ما ندري وزادو فاتو على مسبح قال الإبن : وشي هذا يا بابا قال الأب: والله ما ندري. نطقت الأم وقالت: اسكت يا بني راك قلقت باباك. قال الأب: لا اتركي ابنك يسقسي باه يتعلم

واحد راح لطبيب باش ينحيلو مسمار دخلو في رجلو كي قالو ب2500دينار جاوبو وقال عوجو وخليه

avatar
مدير منتدى الجزائر
مدير عام
مدير عام

الجنس : ذكر عدد المساهمات : 104
تاريخ التسجيل : 29/09/2010
العمر : 25

http://jazairi.almountadaalarabi.com

الرجوع الى أعلى الصفحة اذهب الى الأسفل

رد: نكت رائعة

مُساهمة من طرف laminefcb في الخميس سبتمبر 15, 2011 1:23 pm

فوررررررررررر

laminefcb
عضو جديد
عضو جديد

الجنس : ذكر عدد المساهمات : 8
تاريخ التسجيل : 10/02/2011
العمر : 31

الرجوع الى أعلى الصفحة اذهب الى الأسفل

رد: نكت رائعة

مُساهمة من طرف amina b في الخميس يوليو 31, 2014 11:54 pm

hhhhhhhhhhhhhhhhhhhhhhhhhhhhhhhhhhh
avatar
amina b
عضو جديد
عضو جديد

الجنس : انثى عدد المساهمات : 33
تاريخ التسجيل : 21/07/2014
العمر : 18

الرجوع الى أعلى الصفحة اذهب الى الأسفل

رد: نكت رائعة

مُساهمة من طرف amina b في الخميس يوليو 31, 2014 11:56 pm

hhhhhhhhhhhhhhhhhhhh
avatar
amina b
عضو جديد
عضو جديد

الجنس : انثى عدد المساهمات : 33
تاريخ التسجيل : 21/07/2014
العمر : 18

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى